Мәтінді тыңда, оқы, берілген тапсырмаларды орында. Топтық жұмыс Мәтінмен жұмыс барысында үш топқа тапсырма беремін. І топ. Мәтіндегі 2- абзац бойынша әр кейіпкердің мінезін ескере отырып рольдік ойынды көрсетеді. ІІ топ. Мәтіндегі 3- абзац бойынша әр кейіпкердің мінезін ескере отырып рольдік ойынды көрсетеді. ІІІ топ. Тақтаға шығып, Фогг пен Паспартудың жолсапарын сурет-сызба арқылы көрсетіп сипаттайды. Тапсырманы тез орындаған топ бірінші жауап беред. Шығарманың фабуласы: екі бай: Әлемді 80 күнде шарлап шығуға бола ма? - деп үлкен ақшаға бәстеседі. Біреуі әлемді шарлап ке- леді. Бәс шешіледі. Бар болғаны - осы. Бірақ әлемді шарлау туралы әңгіме несімен қызық? Оны сол шығарманы оқыған адам ғана сезінеді. Шығармадағы «Филеас Фогг - Лондондағы ауқатты адамдардың бірі еді. Ол - қаладағы «Реформ-клубтың» мүшесі. Фогг - өз ортасында сыйлы адам. Ол - кез келген істі уақытында бітіргенді ұнататын, тиянақты, ұқыпты, уәдесінде тұратын, сенімді адам. Бірде Филеас Фогг Паспарту деген жігітті жұмысқа алады. Бірде Фогг пен Паспарту «Реформ-клубқа» келеді. «Реформ- клуб» - ағылшын буржуазиялық қоғамындағы өнегелі, көргенді, тәрбиелі адамдар бас қосатын клуб. Олар клубқа келгенде, дәулетті мырзалар «Әлемді 80 күнде шарлап шығуға бола ма?» деп, дауласып жатыр екен. Клуб мүшесі - Стюарт мырза оның мүмкін еместігін айтып өзеурейді. Ал Фогг мырза 80 күнде әлемді шарлап шығу әбден мүмкін екенін айтады. Сөйтіп, Стюарт пен Фогг 20 миллион фунт стерлингке бәстеседі. Бұл - 2 қазан, сәрсенбі күні болатын. Фогг 21 желтоқсан, сенбі күні таңертеңгі 8:45-ке дейін сапардан оралуы керек. Сөйтіп, Фогг өзінің қызметшісі - Паспартуды ертіп, әлемді шарлауға аттанады. Фогт пен Паспарту Лондоннан Парижге барады. Одан әрі қарай бүкіл Жер шарын аралап шығады. Жолда әртүрлі шытырман оқиғаларды бастан өткереді. Қандай сынақ болса да, Фогг мырза бәрін шешіп отырады. Жол- жөнекей олардың соңына ізкесуші Фикс түседі. Ізкесуші оларға көп кедергі келтіреді. Тіпті 3 рет тұтқынға да алады. Бірақ қанша қиындық көрсе де, саяхатшылар мойымайды. Керісінше, қиналған адамдарға көмектесіп жүреді. Саяхатшылар 21 желтоқсан күні Лондонға оралуы керек болатын. Бірақ Фогг мырза мен Паспарту күннен жаңылысады. 20 желтоқсан күні сағат 8:50-де жетеді. Сөйтіп, Фогг мырза бәсте жеңімпазы. Ол өзі құтқарған Ауда деген жесір үнді әйелге үйленеді. Фогг пен Паспартудың жолсапары: Лондон - Париж- Суец - Монғолия - Бомбей - Гонконг - Иокогама - Сан-Франциско - Нью-Йорк - Ливер- пуль – Лондон бағытында болады.